Жабкi i чарапаха. Уладзімір Караткевіч

У кнізе — дзве казкі: тая, што дала назву зборніку, — «Жабкі і Чарапаха» і «Верабей, сава і птушыны суд». Класіка беларускай літаратуры Уладзіміра Караткевіча нельга назваць дзіцячым пісьменнікам. Хіба што, як і дарослым, з аднолькавай настойлівасцю падлеткам можна параіць прачытаць і «Дзікае паляванне караля Стаха», і «Чорны замак Альшанскі», і нават раман «Нельга забыць». А што да адносін вялікага пісьменніка з зусім юным чытачом, то кніга казак — выдатная магчымасць выхавання любові да роднага слова і ўвогуле выхавання добрых пачуццяў, добрага густу, дабра, цеплыні і справядлівасці.