Кампакт-дыск улучае некаторыя ўзоры вясельных песень і найгрышаў з экспедыцыйных запісаў беларускага паэта, краязнаўца Сяргея Панізніка, якія ажыццяўляліся ў 1968-1969 гадах у Мёрскім раёне Віцебскай вобласці.
Стрыжань калекцыі складаюць аўдыязапісы, выкананыя ў Лявонпалі /раней мястэчку/ і яго наваколлях – роднай вёсачцы збіральніка Бабышкі і вёсцы Даўгінава. Большасць прадстаўленых на дыску песенных і інструментальных гучанняў шматбакова раскрывае стадыяльна розныя праявы вясельнай традыцыі паўночна-заходняй тэрыторыі Беларускага Падзвіння – Дзісеншчыны.